Мемлекеттің іргетасы – үлгілі шаңырақтан басталады. Алдағы жексенбі, яғни, 14-қыркүйек отбасы күні аталып өтпек. Бұл мереке –Елбасының Жарлығымен былтыр жарияланған болатын. Басты мақсаты – жанұя құндылықтарын насихаттап, отбасылық сүйіспеншілік пен ынтымақты арттыру. Осы ретте, қазір еліміздің әрбір өңірінде түрлі іс шаралар ұйымдастырылуда. Бүгін шуақты мереке қарсаңында, облыс әкімі Амандық Баталов өңіріміздегі мерейлі отбасылармен кездесті. «Тіл сарайындағы дөңгелек үстел басында бас қосып, емен-жарқын пікір алмасты.
